葉落無聲

有時聽啲sis講去beauty center買療程畀人呃，又或者畀顧問困住唔畀走，令到我一直唔敢去美容院做facial，亦都會覺得好多係黑店。細細個已經處理自己塊面，擠「酒米」、敷mask、去角質等等，咁自己搞到廿五、六歲都仲可以，但年紀愈大，皮膚面對問題愈多，有啲更唔知點解決，前排發現面部肌膚開始下垂，搽上緊緻提升精華都完全吸收唔到，個刻知道我始終避唔過要搵beauty center幫幫手。

我機緣巧合下知道咗美容院，膽粗粗打電話問下有咩療程啱自己，仲約埋時間體驗添，點知畀啲friend知道話係黑店，咁我心諗都約咗啦，咪上去望望囉，我咁大個人唔通真係可以困住我咩，最後我決定半驚半好奇心態上咗美容院。

上到店鋪的感覺超驚喜，非常開揚光猛，用金色作為主調，有5星級酒店的氣勢，親切的姨姨更呈上三款花茶選擇，最後我揀了玫瑰花蕾，感到此服務非常窩心。等了約3分鐘，顧問已經帶我到consult房，其實我個下真係驚驚地，不過估唔到顧問第一句同我講係「我係日本買咗喲手信，你要唔要食呀？」我個下有啲唔好意思，又有啲開心，因為大家好似識咗好耐咁傾咗陣日本經，個尷尬好快打破咗，之後到傾戲肉，顧問話咁多年都自己打理皮膚好勁，仲提我決定開始喺美容院做facial就係不歸路啦，因為treatment係用靚料之餘，有時仲有儀器輔助，效果一定畀自己做嘅快，叫我諗清楚，個下我覺得幾窩心！之後佢介紹咗「魚子修復面部護理」畀我補水補油，我話返去諗清楚先再上嚟，佢二話不說話ok，又畀一個驚喜位我。回家後，我就諗清楚負唔負擔到，療程啱唔啱自己，最後我決定上去買我人生中第一個療程。有D人話黑店，其實有時聽到嘅野，未必係睇到嘅野，要親身睇先知道真相。